ДОРНОД АЙМГИЙН ӨРХ, ХҮН АМЫН ҮНДСЭН ҮЗҮҮЛЭЛТИЙН ТАНИЛЦУУЛГА ХЭРЭГЛЭГЧДЭД ХҮРЭХЭД БЭЛЭН БОЛЛОО.

Нийтэлсэн: 2015 он 04 сар 28. 15 цаг 34 минут
Дорнод аймгийн 2014 оны жилийн эцсийн байдлаар тус аймагт 22.4 мянган өрхөд 74.9 мянган хүн амьдарч байгаагийн 54.3 хувь нь аймгийн төвд, 18.4 хувь нь сумын төвд, 27.3 хувь нь хөдөө амьдарч байна. Хүн амын 59.0 хувь нь хөдөлмөрийн насныхан бөгөөд нийт хүн амын 27.8 хувь нь 15 хүртэл насны хүүхдүүд байгаа юм. 2014 оны нийт хүн амын тоог 2013 оны хүн амтай харьцуулж үзвэл 178 хүнээр буюу 0.2 хувиар, хөдөлмөрийн насны хүн амын тоо 0.7 хувиар тус тус буурсан байна. Хэрлэн сум 41923 хүн ам тоолуулсан нь аймгийн нийт хүн амын 55.9 хувийг эзэлж байна. Хэрлэн, Булган, Гурванзагал, Хөлөнбуйр, Цагаан-овоо, Чулуунхороот сумдын хүн амын тоо өссөн бол бусад сумдын хүн ам буурсан байна. Дорнод аймгийн нийт 66 багаас хамгийн их хүн амтай баг нь Хэрлэн сумын 10-р баг бөгөөд 6984 хүн тоолуулсан байна. Дорнод аймгийн хэмжээнд 2010 оноос хойш өрхийн тоо тогтмол өссөн үзүүлэлттэй гарсан байна. Энэ нь Монгол улсын хэмжээнд хүн амын цонх үе нээгдсэнтэй холбогдуулан залуу хүмүүсийн гэр бүл тохиолдол олширсонтой холбоотой юм.
Дэлгэрэнгүй

ГАР БӨМБӨГИЙН ТЭМЦЭЭНД 2 ДУГААР БАЙРАНД ОРЛОО.

Нийтэлсэн: 2015 он 04 сар 20. 17 цаг 37 минут
Монгол Улсын Засгийн газрын 2009 оны 05 дугаар тогтоол, Нийтийн биеийн тамираар хүн амын эрүүл мэндийг хамгаалах, чөлөөт цагийг зөв зохистой өнгөрүүлэх зорилгоор аймгийн төрийн захиргааны байгууллагуудын дунд зохион байгуулсан гар бөмбөгийн тэмцээнд тус байгууллагын хамтарсан баг нийт 18 багаас 2 дугаар байранд шалгарлаа.
Дэлгэрэнгүй

ГАЗРЫН ДААМЛУУДАД СТАТИСТИК МЭДЭЭЛЛИЙГ ХЭРХЭН АШИГЛАХ ТАЛААР МЭДЭЭЛЭЛ ӨГЛӨӨ.

Нийтэлсэн: 2015 он 04 сар 14. 13 цаг 08 минут
Аймгийн газрын харилцаа, барилга хот байгуулалтын газартай хамтран 2015 оны 4 дүгээр сарын 14-ны өдөр газрын харилцаа, барилга хот байгуулалтын газрын мэргэжилтнүүд болон сумдын газрын даамлууд оролцсон нийт 21 ажилтанд статистикийн хэлтсийн үйл ажиллагааны талаар болон статистик мэдээллийг хэрхэн гаргах, хаанаас яаж мэдээлэл авч ашиглах талаар сургалтыг зохион байгууллаа.
Дэлгэрэнгүй

ХЭВЛЭЛИЙН БАГА ХУРАЛ ЗОХИОН БАЙГУУЛЛАА.

Нийтэлсэн: 2015 он 04 сар 10. 13 цаг 47 минут
2015 оны 3-р сарын Дорнод аймгийн нийгэм, эдийн засгийн байдлын талаар хэвлэлийн бага хурлыг 2015 оны 4-р сарын 10-ны өдрийн 11 цагт Дорнод аймгийн иргэдийн төлөөлөгчдийн хурлын танхимд зохион байгууллаа.Энэ удаагийн хэвлэлийн бага хуралд хэлтсийн дарга Д.Энхбаатар оролцож, хуваарийн дагуу мэргэжилтэн Т.Туяацэцэг, гэрээт ажилтан Р.Жаргалтуяа нар хариуцан зохион байгуулж мэдээлэл хийлээ.
Дэлгэрэнгүй

ДОРНОД АЙМГИЙН НИЙГЭМ ЭДИЙН ЗАСГИЙН 2015 ОНЫ 3 САРЫН ТАНИЛЦУУЛГА ГАРЛАА.

Нийтэлсэн: 2015 он 04 сар 08. 16 цаг 49 минут
Эрүүл мэндийн газраас эрхлэн гаргадаг мэдээгээр 2015 оны эхний 3 сард 488 хүүхэд шинээр мэндэлж, 99 хүн нас баржээ. Хүн амын нас баралт 99 тохиолдол бүртгэгдсэн нь 1000 хүн ам тутамд 1.32 ногдож, өнгөрсөн оны мөн үетэй харьцуулахад 20 тохиолдол буюу 16.8%-иар буурсан байна. Нас баралтын шалтгаанд хорт хавдрын нас баралт 26 тохиолдол бүртгэгдсэн ба нийт нас баралтын 26.3%, осол гэмтлийн нас баралт 15 тохиолдол буюу 15.2 %-ийг тус тус эзэлж байна. 0-1 насны хүүхдийн эндэгдэл 4 тохиолдол буюу 1000 амьд төрөлтөд 8.2 болсон байна. /Дэлгэрэнгүй мэдээллийг энэ сайтын Бюллетень, танилцуулга хэсэгрүү орж татан үзнэ үү./
Дэлгэрэнгүй

МАЛ ТӨЛЛӨЛТ 3 ДУГААР САРЫН БАЙДЛААР 7.6 ХУВЬТАЙ БАЙНА.

Нийтэлсэн: 2015 он 04 сар 08. 16 цаг 43 минут
Одоогоор мал төллөлт эхэлж байгаа ба 3 дугаар сарын байдлаар нийт төллөх малын 7.6 хувь буюу 47590 толгой эх мал төллөсөн байна. Том малын зүй бус хорогдол 2015 оны 3 дугаар сард 1619 толгой болж, өмнөх оны мөн үеийнхээс 532 толгойгоор буюу 75.3 хувиар буурсан байна. Том малын хорогдлыг төрлөөр нь авч үзвэл: тэмээ 8, адуу 186, үхэр 188, хонь 716, ямаа 521 толгой байна. Аймгийн хэмжээнд хорогдсон нийт мал оны эхний малын 2.2 хувийг эзэлж байна.Нийт хорогдолд өвчнөөр хорогдсон малын эзлэх хувь 4.9 хувь буюу 79 толгой мал хорогджээ. Малын нийт хорогдлын 76.4 хувийг бог мал эзэлж байна.
Дэлгэрэнгүй

ОРОН НУТГИЙН СТАТИСТИКИЙН ҮЗҮҮЛЭЛТ, ТЭДГЭЭРИЙГ БОДЛОГО ТӨЛӨВЛӨЛТӨД АШИГЛАХ НЬ СЭДЭВТ СУРГАЛТ ЗОХИОН БАЙГУУЛАГДЛАА.

Нийтэлсэн: 2015 он 04 сар 02. 07 цаг 17 минут
Орон нутгийн статистикийн үзүүлэлт, тэдгээрийг бодлого төлөвлөлтөд ашиглах нь сургалтыг аймгийн Засаг даргын тамгын газрын даргын баталсан хөтөлбөрийн дагуу 2015 оны 04 дүгээр сарын 01-ний өдөр аймгийн Засаг даргын тамгын газрын сургалтын танхимд зохион байгууллаа. Сургалтанд аймгийн Засаг даргын тамгын газрын хэлтсүүдийн мэргэжилтнүүд, Засаг даргын дэргэдэх 22 агентлаг, албад, сумдын бүртгэл, статистик мэдээлэл хариуцсан ажилтнууд нийт 55 хүн хамрагдлаа.
Дэлгэрэнгүй

ХӨДӨӨ АЖ АХУЙН САЛБАРЫН 2014 ОНЫ ТАНИЛЦУУЛГА ХЭВЛЭГДЭН ГАРЛАА.

Нийтэлсэн: 2015 он 04 сар 01. 16 цаг 14 минут
“Дорнод аймгийн хөдөө аж ахуй сэдэвт энэхүү судалгааны зорилго нь мал аж ахуйн салбарын ирээдүйн хөгжил, малчдын амьжиргааны талаар бодлого, малын тооны өсөлт өөрчлөлт, бүтэц, малын төллөлт, үржлийн байдал, зүй бус хорогдол, сувайралт, хээл хаялт, бэлчээрийн даац хүрэлцээ, тэжээвэр амьтад, хээлтэгч, хээлтүүлэгч, түүний тохироо болон малтай өрх, малчдын нийгмийн байдал, малын тооны өсөлт бууралтанд нөлөөлсөн үзүүлэлтүүд болон хөдөө аж ахуйн салбарын цаашдын чиг хандлагыг тодорхойлохын зэрэгцээ манай улсын мал аж ахуйн үйлдвэрлэлд аймгийн эзлэх байр суурийг харуулсан мэдээллээр аймгийн удирдлагууд болон хэрэглэгчдийг хангах зорилготой юм.
Дэлгэрэнгүй

7 хоногийн үнийн мэдээ
2018.12.12-ны байдлаар, төг
   Дорнод I гурил   кг   1266.67
  Элсэн чихэр   кг   1833.33
  Цагаан будаа   кг   2300
  Шингэн сүү   литр   1500
  Хонины мах   кг   6666.67
  Үхрийн мах   кг   7600
  Ямааны ястай мах   кг   6400
  Бензин А-80   литр   1943.33
  Бензин Ай-92   литр   2035
  Дизель түлш   литр   2486.67
  Ноолуур   кг   30000

7 хоногийн үний динамик дэлгэрэнгүй..

2014 он  2015 он  2016 он  2017 он