ХӨДӨӨ АЖ АХУЙН САЛБАРЫН 2014 ОНЫ ТАНИЛЦУУЛГА ХЭВЛЭГДЭН ГАРЛАА.

Нийтэлсэн: 2015 он 04 сар 01. 16 цаг 14 минут
“Дорнод аймгийн хөдөө аж ахуй сэдэвт энэхүү судалгааны зорилго нь мал аж ахуйн салбарын ирээдүйн хөгжил, малчдын амьжиргааны талаар бодлого, малын тооны өсөлт өөрчлөлт, бүтэц, малын төллөлт, үржлийн байдал, зүй бус хорогдол, сувайралт, хээл хаялт, бэлчээрийн даац хүрэлцээ, тэжээвэр амьтад, хээлтэгч, хээлтүүлэгч, түүний тохироо болон малтай өрх, малчдын нийгмийн байдал, малын тооны өсөлт бууралтанд нөлөөлсөн үзүүлэлтүүд болон хөдөө аж ахуйн салбарын цаашдын чиг хандлагыг тодорхойлохын зэрэгцээ манай улсын мал аж ахуйн үйлдвэрлэлд аймгийн эзлэх байр суурийг харуулсан мэдээллээр аймгийн удирдлагууд болон хэрэглэгчдийг хангах зорилготой юм.
Дэлгэрэнгүй

ОРОН НУТГИЙН СТАТИСТИКИЙН ҮЗҮҮЛЭЛТ, ТЭДГЭЭРИЙГ БОДЛОГО ТӨЛӨВЛӨЛТӨД АШИГЛАХ НЬ СУРГАЛТАНД УРЬЖ БАЙНА.

Нийтэлсэн: 2015 он 03 сар 30. 12 цаг 40 минут
Орон нутгийн бодлого төлөвлөлтөд статистикийн мэдээллийг ашиглах, чадавхийг нэмэгдүүлэх зорилготойгоор “ Орон нутгийн статистикийн үзүүлэлт, тэдгээрийг бодлого төлөвлөлтөд ашиглах нь” сэдэвт сургалтыг 2015 оны 04 дүгээр сарын 1-ний өдрийн 09.00 цагт аймгийн Засаг даргын тамгын газрын хурлын танхимд зохион байгуулах гэж байна.
Дэлгэрэнгүй

ХЭРЛЭН СУМЫН 10 БАГИЙН АЖИЛТНУУДАД СУРГАЛТ ЗОХИОН БАЙГУУЛЛАА.

Нийтэлсэн: 2015 он 03 сар 30. 07 цаг 36 минут
Чойбалсан хот буюу Хэрлэн сумын 10 багийн ажлын албаны 24 ажилтанд Хэрлэн сумын статистикч эдийн засагч О.Энхжаргалтай хамтран сургалтыг 2015.03.27-ны өдөр Чойбалсан хотын тамгын газрын сургалтын танхимд зохион байгууллаа. Сургалтын хөтөлбөрийг Хэрлэн сумын тамгын даргын үүрэг гүйцэтгэгч Х.Энх-Отгон баталсны дагуу сургалт зохион байгуулагдлаа. Сургалтын гол зорилго нь багийн ажлын албаны зохион байгуулагч нар солигдсонтой холбогдуулан статистик мэдээг гаргахад анхаарах асуудал, статистик мэдээллийн санг хэрхэн ашиглах зэрэг асуудлуудаар ярилцлага, хэлэлцүүлэг өрнүүллээ.
Дэлгэрэнгүй

“Орон нутгийн статистикийн үзүүлэлт, тэдгээрийг бодлого төлөвлөлтөд ашиглах нь” сургалтыг зохион байгууллаа.

Нийтэлсэн: 2015 он 03 сар 23. 14 цаг 21 минут
“Орон нутгийн статистикийн чадавхийг бэхжүүлэх” сэдвийн хүрээнд Үндэсний статистикийн хороо 2015 оны 03-р сарын 18-нд Улаанбаатар хотноо “Орон нутгийн статистикийн үзүүлэлт, тэдгээрийг бодлого төлөвлөлтөд ашиглах нь” сургалтыг зохион байгуулж, нийслэл, аймаг, дүүргийн статистикийн газар, хэлтсийн дарга, ахлах мэргэжилтнүүд, ҮСХ-ны газар, хэлтсийн дарга, ахлах статистикчид, яамд агентлагийн бодлого төлөвлөлт, хяналт шинжилгээний асуудал хариуцсан мэргэжилтнүүд зэрэг 100 гаруй төлөөлөл оролцсон байна.
Дэлгэрэнгүй

СТАТИСТИКИЙН САЛБАРЫН УДИРДАХ АЖИЛТНЫ ЗӨВЛӨГӨӨНИЙГ НҮБ-ЫН ХӨГЖЛИЙН ХӨТӨЛБӨРТЭЙ ХАМТАРЧ ЗОХИОН БАЙГУУЛЛАА.

Нийтэлсэн: 2015 он 03 сар 23. 14 цаг 17 минут
Үндэсний статистикийн хороо статистикийн салбарын удирдах ажилтнуудын зөвлөгөөнийг 2014 оны 3-сарын 16-наас 18-нд Улаанбаатар хотноо зохион байгуулж байна. Энэхүү ажлын хүрээнд өнөөдөр буюу 2015 оны 3-р сарын 16-нд НҮБХХ-тэй хамтран “Дэлхий нийтийн хөгжлийн чиг хандлага, статистикийн үүрэг, оролцоо” сэдэвт семинарыг зохион байгууллаа. Семинарт ҮСХ-ны дарга, дэд дарга, газар, хэлтсийн дарга, статистикч, ахлах статистикч, ахлах шинжээчид, нийслэл, аймаг, дүүргийн статистикийн газар, хэлтсийн дарга, ахлах мэргэжилтнүүд, НҮБ-ын Хөгжлийн хөтөлбөрийн ажилтнууд оролцлоо.
Дэлгэрэнгүй

ҮНДЭСНИЙ СТАТИСТИКИЙН САЛБАРЫН ХЭМЖЭЭНД ТЭРГҮҮН БАЙР ЭЗЭЛЛЭЭ.

Нийтэлсэн: 2015 он 03 сар 23. 14 цаг 14 минут
Үндэсний статистикийн хороо нийслэл, аймаг, дүүргийн статистикийн газар, хэлтсийн 2014 оны ажлыг дүгнэж, ажил үүргээ амжилттай сайн гүйцэтгэсэн аймаг, нийслэлийг шалгарууллаа. Статистикийн салбарт 2014 онд хэрэгжүүлсэн үйл ажиллагаагаар тэргүүн байрыг Дорнод аймгийн Статистикийн хэлтэс, 2-р байрыг Архангай аймгийн Статистикийн хэлтэс, 3-р байрыг Нийслэлийн Статистикийн газар, 4-р байрыг Өвөрхангай аймгийн Статистикийн хэлтэс, 5-р байрыг Сүхбаатар аймгийн Статистикийн хэлтэс, нийслэлийн хэмжээнд Сонгинохайрхан дүүргийн Статистикийн хэлтэс тэргүүн байрыг эзэлж, өргөмжлөл мөнгөн шагналаар шагнагдлаа.
Дэлгэрэнгүй

Дорнод аймгийн нийгэм эдийн засгийн 2015 оны 2 сарын танилцуулга гарлаа.

Нийтэлсэн: 2015 он 03 сар 10. 08 цаг 38 минут
Эрүүл мэндийн газраас эрхлэн гаргадаг мэдээгээр 2015 оны эхний 2 сард 316 хүүхэд шинээр мэндэлж, 65 хүн нас баржээ. Хүн амын цэвэр өсөлт 3.35 болж, 2014 оны мөн үеийнхээс 0.01 хувиар өслөө.1000 хүнд ногдох төрөлт 4.21, нас баралт 0.87 байгаа нь өмнөх оны мөн үетэй харьцуулахад төрөлт өмнөх оноос 3.5 хувиар, нас баралт 15.6 хувиар тус тус буурсан байна.Хөдөлмөрийн хэлтэст бүртгүүлсэн ажилгүй иргэдийн тоо эхний 2 сарын байдлаар 1974 байгаагийн 1086 нь эмэгтэйчүүд байна.Эдгээр ажилгүй иргэдийн тоо өмнөх оны мөн үеэс 1194-н хүнээр буюу 60.5 хувиар, 2014 оны 12 дугаар сарынхаас 19 хүнээр буюу 0.1 хувиар тус тус буурсан байна. Бүртгэлтэй ажилгүй иргэдийн 1086 хүн буюу 55.0 хувь нь эмэгтэйчүүд эзэлж, өмнөх оны мөн үеийнхээс 426 хүн буюу 39.2 хувиар буурсан байна. Эхний 2 сард хөдөлмөрийн хэлтэст 45 иргэн ажилд зуучлагдан оржээ.
Дэлгэрэнгүй

Статистикийн мэдээ тайлангийн гарын авлага маягтын альбом тархаалаа.

Нийтэлсэн: 2015 он 03 сар 05. 17 цаг 47 минут
Статистикийн хэлтсээс сумдын статистик мэдээлэл хариуцсан ажилтнууд буюу төрийн сангийн мэргэжилтнүүдэд зориулан статистикийн тухай хууль, тогтоол, шийдвэр, маягт, аргачлал, заавар бүхий гарын авлагыг бэлтгэн хүргүүллээ. Энэхүү гарын авлагад анхан шатны нэгжээс мэдээллийг цуглуулахад шаардлагатай бүх төрлийн мэдээний маягтууд орсон болно.
Дэлгэрэнгүй

7 хоногийн үнийн мэдээ
2019.01.02-ны байдлаар, төг
   Дорнод I гурил   кг   1266.7
  Элсэн чихэр   кг   1833
  Цагаан будаа   кг   2333
  Шингэн сүү   литр   1900
  Хонины мах   кг   6700
  Үхрийн мах   кг   7600
  Ямааны ястай мах   кг   6466.7
  Бензин А-80   литр   1890
  Бензин Ай-92   литр  

1950

  Дизель түлш   литр   2486.6
  Ноолуур   кг   30000

7 хоногийн үний динамик дэлгэрэнгүй..

2014 он  2015 он  2016 он  2017 он 2018 он