ДОРНОД АЙМГИЙН НИЙГЭМ, ЭДИЙН ЗАСГИЙН 2016 ОНЫ 11 САРЫН ТАНИЛЦУУЛГА ГАРЛАА.

Нийтэлсэн: 2016 он 12 сар 15. 14 цаг 36 минут
Эрүүл мэндийн газраас эрхлэн гаргадаг мэдээгээр 2016 оны эхний 11 сард 1921 хүүхэд шинээр мэндэлж, 478 хүн нас баржээ. Хүн амын цэвэр өсөлт 1443 болж 2015 оны мөн үеийнхээс 54-өөр өслөө. 1000 хүнд ногдох төрөлт 25.38, нас баралт 6.31 байгаа нь өмнөх оны мөн үетэй харьцуулахад төрөлт 1.54 хувиар, нас баралт 1.0 хувиар тус тус өссөн байна. Хөдөлмөрийн хэлтэст бүртгүүлсэн ажилгүй иргэдийн тоо эхний 11 сарын байдлаар 1720 байгаагийн 792 нь эмэгтэйчүүд байна. Эдгээр ажилгүй иргэдийн тоо өмнөх оны мөн үеэс 223 хүнээр буюу 11.5 хувиар, 2015 оны 12 дугаар сарынхаас 222 хүнээр буюу 11.4 хувиар тус тус буурсан байна. Бүртгэлтэй ажилгүй иргэдийн 792 хүн буюу 46.0 хувийг эмэгтэйчүүд эзэлж, өмнөх оны мөн үеийнхээс 165 хүн буюу 25.2 хувиар буурлаа. Эхний 11 сард хөдөлмөрийн хэлтэст 995 иргэн ажилд зуучлагдан оржээ. Ажилгүй иргэдийг насны ангиллаар нь үзвэл 60.4 хувь нь 15-34 насны залуучууд байна. Бүртгэлтэй ажилгүй иргэдийн 21.7 хувь нь дээд, 6.5 хувь нь тусгай дунд, 9.7 хувь нь мэргэжлийн анхан шатны боловсролтой, 51.8 хувь нь бүрэн дунд, 6.6 хувь нь суурь, 2.4 хувь нь бага боловсролтой, 1.3 хувь нь боловсролгүй хүмүүс байна.
Дэлгэрэнгүй

АЙМГИЙН КОМИССЫН ГИШҮҮД СУМДАД АЖИЛЛАЖ БАЙНА.

Нийтэлсэн: 2016 он 12 сар 13. 09 цаг 21 минут
Дорнод аймгийн Засаг даргын захирамжаар аймгийн комисс байгуулагдсан ба өнөөдрийн байдлаар өрх, хүн амын шинэчилсэн бүртгэл хөтлөх, мал, тэжээвэр амьтдын тооллого хэвийн явагдаж байна. Тооллогын явцад хяналт хийхээр аймгийн комиссын гишүүд 9 хэсэгт хуваагдан 14 суманд ажиллаж байна.
Дэлгэрэнгүй

ЗҮҮН БҮСИЙН ХЭМЖЭЭНД ЗОХИОН БАЙГУУЛСАН ХЭЛЭЛЦҮҮЛЭГТ ОРОЛЦОВ.

Нийтэлсэн: 2016 он 12 сар 04. 15 цаг 15 минут
Монгол Улсын Жендэрийн үндэсний хорооноос зүүн бүсийн хэмжээнд “Жендэрийн тэгш байдлыг хангах үндэсний хөтөлбөр”-ийн төслийн танилцуулах хэлэлцүүлэг зохион байгууллаа. Тус хэлэлцүүлэгт ЖҮХ-ны Дорнод аймгийн салбар хорооны гишүүд, Хэнтий, Сүхбаатар аймгуудын төлөөлөл оролцсон ба статистикийн хэлтсийн дарга Д.Энхбаатар, мэргэжилтэн М.Төмөрчимэг нар оролцов. Аймгийн Засаг дарга бөгөөд ЖҮХ-ны салбар хороон дарга М.Бадамсүрэн хэлэлцүүлгийн нээлтэд оролцон өөрийн санал бодлыг илэрхийлэн ярилцлаа.
Дэлгэрэнгүй

ХҮН АМ, ӨРХИЙН МЭДЭЭЛЛИЙН САНГ ШИНЭЧИЛЖ, МАЛ, ТЭЖЭЭВЭР АМЬТДЫН ТООЛЛОГО ЯВУУЛАХ ТУХАЙ СУРГАЛТ ЗОХИОН БАЙГУУЛЛАА.

Нийтэлсэн: 2016 он 12 сар 04. 14 цаг 37 минут
Аймгийн Засаг даргын 2016 оны 11 дүгээр сарын 29-ны өдрийн А/454 тоот “Хүн ам, өрхийн шинэчилсэн бүртгэл хөтлөх, мал, тэжээвэр амьтдын тооллого явуулах тухай” захирамж гарч, тус захирамжаар аймгийн тооллогын комиссыг баталлаа. Тус хэлтсээс тооллогын бэлтгэл ажлын хүрээнд маягт, аргачлэл, зөвлөмжөөр хангах үүднээс 12 дугаар сарын 01-ний өдөр сургалт зохион байгуулсан ба сумдын төрийн сангийн мэргэжилтнүүд нийгмийн ажилтнуудын хамт оролцлоо. Сургалтыг аймгийн Засаг даргын орлогч, тооллогын комиссын дарга Ч. Ганбат нээж үг хэлэв.
Дэлгэрэнгүй

ҮСХ, ХӨСҮТ-ИЙН АЖИЛТНУУД ХЯНАЛТААР АЖИЛЛАВ.

Нийтэлсэн: 2016 он 11 сар 30. 11 цаг 27 минут
ДЭМБ-ын санхүүжилтээр Монгол Улсын ЭМЯ, ХӨСҮТ, ҮСХ-той хамртан зохион байгуулж буй “Улаанбурхан, улаанууд өвчний эсрэг дархлал тогтцын судалгаа”-ны хяналтын ажлаар ҮСХ-ны ХАНСГ-ын ахлах шинжээч Д.Даваажаргал, ХӨСҮТ-ийн дархлаажуулалтын эмч Д.Гэрэлмаа нар Дорнод аймгийн Хэрлэн, Хөлөнбуйр, Дашбалбар сумдад ажиллалаа. Судалгаа явагдсан түүврийн нэгжид мэдээллийн үнэн бодит байдал, хамрагдалт, судлаач нарын өрхийн ба ганцаарчилсан ярилцлага авах үйл явцын хяналт, судалгааны төсвийг зориулалтын дагуу зарцуулсан байдал, санхүүгийн баримтын бүрдэл, цусны сорьцын хадгалалт, дамжуулалтын явцад хяналт хийв.
Дэлгэрэнгүй

70582233 ШУУРХАЙ УТСАНД АЖИЛЛАЛАА.

Нийтэлсэн: 2016 он 11 сар 24. 15 цаг 18 минут
Тус хэлтсийн дарга Д.Энхбаатар 2016 оны 11 дүгээр сарын 24-ний өдөр 08.00 цагаас 17.00 цагийн хооронд Дорнод аймгийн ЗДТГ-ын 70582233 дугаар утсанд иргэдийн санал, хүсэлтийг хүлээн авч ажиллалаа. Ажиллах хугацаанд нийт 7 санал ирснийг тухай бүрт шийдвэрлэн ажиллалаа.
Дэлгэрэнгүй

АЙМГИЙН ЦАГДААГИЙН ГАЗРЫН ХЖТ-ИЙН АЖИЛТНУУДТАЙ ХАМТАРСАН ЭРГҮҮЛ ХИЙВ.

Нийтэлсэн: 2016 он 11 сар 22. 09 цаг 46 минут
Тус хэлтсээс Аймгийн Засаг даргын 2015 оны 08 дугаар сарын 19-ний өдрийн А/352 тоот “Бүх нийтийн эргүүл зохион байгуулах тухай” захирамжийн биелэлтийг хангах үүднээс аймгийн Цагдаагийн газрын Хэв журмын тасгийн эргүүлийн багтай хамтарсан эргүүлийг хийв. Эргүүлд хэлтсийн ажилтнууд оролцсон ба Цагдаагийн газрын Хэв журмын тасгийн дарга Энхболдод танилцуулан, ажиллах хуваарийн дагуу 2016 оны 11 дүгээр сарын 21-ний өдрийн 18.00 цагаас 22.00 цагийн хооронд Хэрлэн сумын 6, 7, 9, 10 дугаар багуудын нутаг дэвсгэрт ажиллав.
Дэлгэрэнгүй

ЕБС-ИЙН СУРГУУЛИЙН АХЛАХ АНГИЙГ СУРАЛЦАГЧДАД ХИЧЭЭЛ ЗААВ.

Нийтэлсэн: 2016 он 11 сар 16. 17 цаг 21 минут
Монгол Улсад Статитсикийн салбар үүсэн байгуулагдсан түүхт ойн баярын хүрээнд жил бүр ЕБС-ийн ахлах ангийн суралцагчдад хэлтсийн ажилтнууд "Статистикийн боловсрол" сэдэвт хичээлийг заадаг уламжлалтай билээ. Энэ оны хувьд ЗХУ-ын баатар, нисгэгч Н.Ф.Гастеллогийн нэрэмжит, Улсын тэргүүний 10 жилийн 1-р сургуулийн төгсөх 12А бүлгийн суралцагчдад хэлтсийн дарга Д.Энхбаатар, судлаач Г.Онончимэг нар тус хичээлийг заав. Статистикийн тухай ерөнхий ойлголт, статистикийн үзүүлэлт, түүний төрлүүд, тооллого, судалгаа, хүн ам, хүн амын нягтрал, хүн ам зүй, хүн амын тархалт, статистикийн мэдээллийг хэрхэн, хаанаас авах вэ? зэрэг ойлголтыг мэдээллээ. Статистикийн ерөнхий ойлголт, статистикийн үзүүлэлт, түүний төрлүүд, тооллого, судалгаа, хүн ам, статистик мэдээллийг хэрхэн, хаанаас авах тухай дэлгэрэнгүй мэдээллийг хүүхдүүдэд хүргэлээ.
Дэлгэрэнгүй

7 хоногийн үнийн мэдээ
2017.06.14-ний байдлаар, төг
   Дорнод I гурил   кг   920
  Элсэн чихэр   кг   2100
  Цагаан будаа   кг   2100
  Шингэн сүү   литр   800
  Хонины мах   кг   6500
  Үхрийн мах   кг   8000
  Ямааны ястай мах   кг   5500
  Бензин А-80   литр   1570
  Бензин Ай-92   литр   1680
  Дизель түлш   литр   1810
  Ноолуур   кг   40000
 
 

 7 хоногийн үний динамик дэлгэрэнгүй...

       2014 он    2015 он   2016 он