“АЖ ҮЙЛДВЭРИЙН ЦАХИМ МЭДЭЭЛЛИЙН САН” СЭДЭВТ УУЛЗАЛТ БОЛЛОО.

Нийтэлсэн: 2018 он 01 сар 19. 15 цаг 44 минут
Баялаг бүтээгч бүрт хүрсэн бодлого хэрэгжүүлэх зорилгоор аж үйлдвэрийн нэгдсэн системд үйлдвэрлэл эрхлэгчдийг бүртгэх ажлыг Үндэсний хөгжлийн газраас зохион байгуулж байна. Энэ хүрээнд аймгийн ХОХБТ- ийн хэлтсийн даргаар ахлуулсан ажлын хэсэг байгуулагдсан. Ажлын хэсгийн гишүүд болон үйлдвэрлэгчдийг хамруулсан “Аж үйлдвэрийн цахим мэдээллийн сан” сэдэвт уулзалт өнөөдөр /2018.01.17/ аймгийн Засаг даргын Тамгын газрын хурлын танхимд боллоо.
Дэлгэрэнгүй

ДОРНОД АЙМГИЙН НИЙГЭМ ЭДИЙН ЗАСГИЙН 2017 ОНЫ ЖИЛИЙН ЭЦСИЙН ТАНИЛЦУУЛГА ХЭВЛЭГДЭН ГАРЛАА.

Нийтэлсэн: 2018 он 01 сар 19. 15 цаг 39 минут
Дорнод аймагт 2017 оны жилийн эцсийн байдлаар 14 сумын 66 багт, 79.5 мянган хүн тоологдсоны - 56.3 хувь нь аймгийн төвд, - 17.3 хувь нь сумын төвд, - 26.4 хувь нь хөдөө амьдарч байна. 2017 оны нийт хүн амын тоог 2016 оны хүн амын тоотой харьцуулж үзвэл 1735 хүнээр буюу 2.2 хувиар, өрхийн хувьд 734 өрхөөр буюу 3.1 хувиар тус тус өссөн үзүүлэлттэй байна. Хэрлэн сум 45352 хүн ам тоолуулсан нь аймгийн нийт хүн амын 57.0 хувийг эзэлж байна. 3000-аас дээш хүн амтай Баяндун, Баян-Уул, Дашбалбар, Халхгол, Цагаан-овоо, нийт 5 сум байгаа юм.
Дэлгэрэнгүй

ТА БҮХЭН 1212.MN АППЛИКЕЙШНААР ДАМЖУУЛАН "МЭДЛЭГЭЭ ШАЛГАЯ" ТОГЛООМООР ӨӨРИЙГӨӨ СОРИОРОЙ.

Нийтэлсэн: 2018 он 01 сар 05. 09 цаг 59 минут
Үндэсний статистикийн хорооноос 2017 оны 12 дугаар сарын 12-ны өдөр "Мэдлэгээ шалгая" тоглоомын ялагчыг тодруулсан ба энэ удаагийн ялагчаар буюу энэ сарын хамгийн өргөн мэдлэгтэй хүнээр Дорнод аймгийн Засаг даргын дэргэдэх Статистикийн хэлтсийн мэргэжилтэн Т.Батболд тодорлоо. Та бүхэн 1212.mn Мэдээллийн нэгдсэн сан болон аппликейшнаар дамжуулан "Мэдлэгээ шалгая" тоглоомоор өөрийгөө сорьж дараа сарын ялагч болоорой.
Дэлгэрэнгүй

ШИНЭ ОНЫ БОСГОН ДЭЭР ТӨРИЙН ДЭЭД ШАГНАЛ ГАРДУУЛЛАА.

Нийтэлсэн: 2018 он 01 сар 05. 09 цаг 34 минут
Үндэсний эрх чөлөө, тусгаар тогтолоо сэргээн мандуулсны 106 жилийн ойг тохиолдуулан шинэ оны босгон дээр аймаг орон нутгийнхаа хөгжилд үнэтэй хувь нэмэр оруулсан зарим хүмүүсийг Монгол Улсын Ерөнхийлөгчийн 2017 оны 12 дугаар сарын 22-ны өдрийн 87 дугаар зарлигаар Төрийн дээд шагнал одон медалиар мөн салбар яамдын шагналаар шагналаа. Энэхүү арга хэмжээний үеэр Статистикийн хэлтсийн жолооч Т.Батнасан “Хөдөлмөрийн хүндэт медаль”-аар шагнууллаа.
Дэлгэрэнгүй

ДОРНОД АЙМГИЙН МАЛ СҮРЭГ 2 САЯД ХҮРЛЭЭ.

Нийтэлсэн: 2018 он 01 сар 05. 09 цаг 25 минут
Аймгийн Засаг даргын А/533 тоот захирамжийн дагуу мал тооллогын ажлыг Дорнод аймагт 12 сарын 7-17 ны өдрүүдэд зохион байгуулан явуулж 14 сумын 66 багт 353 тоологч ажиллаж, хяналтын тооллогоор нийт 76 хүн мал тооллогын ажилд хяналт тавин ажиллалаа. Энэ онд мал тооллогын урьдчилсан дүнгээр малын тоо толгой 2057808 толгойд хүрч өмнөх оны мөн үеэс 334898 толгой буюу 19.4 хувиар өссөн байна. 5 төрлөөр нь дурьдвал: Тэмээ 5579 - өмнөх оноос 396 толгой буюу 7.6 хувь Адуу 250718 – өмнөх оноос 25726 толгой буюу 11.4 хувь Үхэр 207861- өмнөх оноос 32311 толгой буюу 18.4 хувь Хонь 1001567- өмнөх оноос 4655 толгой буюу 6.9 хувь Ямаа 592083-өмнөх оноос 106255 толгой буюу 21.9 хувиар тус тус өсч малын тоо 5 төрөл дээрээ өслөө.
Дэлгэрэнгүй

МАЛ ТООЛЛОГЫН ХЯНАЛТААР ҮНДЭСНИЙ СТАТИСТИКИЙН ХОРООНЫ БАГ ДОРНОД АЙМАГТ АЖИЛЛАЛАА.

Нийтэлсэн: 2017 он 12 сар 12. 09 цаг 45 минут
Мал тооллогын хяналтын ажлаар Үндэсний статистикийн хорооны ахлах шинжээч Л.Цэвээнжав, Ч.Мөнхтуул нар 12 дугаар сарын 8-11-ны өдрүүдэд Дорнод аймагт ажиллалаа. Дорнод аймгийн Засаг дарга М.Бадамсүрэн, Засаг даргын орлогч Ч.Ганбат нартай уулзаж, тооллогын ажлын талаар ярилцаж, тооллогын явц, хүндрэл бэрхшээлийн талаар санал солилцлоо. Мөн Статистикийн хэлтсийн үйл ажиллагаа болон мал тооллогын бэлтгэл ажил, зохион байгуулалтыг хэрхэн хийж ажиллаж байгаатай танилцлаа. Хяналтын тооллогын ажлаар Баянтүмэн сумын Засаг даргын орлогч Т.Эрдэнэбаяр, Цагаан-Овоо сумын Засаг дарга Т.Баярмагнай, Баян-Уул сумын Тамгын газрын дарга Н.Бат-Амгалан нартай уулзаж, сумдын тооллого хэрхэн явагдаж байгааг шалгалаа.
Дэлгэрэнгүй

ДОРНОД АЙМГИЙН НИЙГЭМ ЭДИЙН ЗАСГИЙН 2017 ОНЫ 11 САРЫН ТАНИЛЦУУЛГА ХЭВЛЭГДЭН ГАРЛАА.

Нийтэлсэн: 2017 он 12 сар 12. 09 цаг 29 минут
Аймгийн хэмжээнд 2017 оны эхний 11 сард 1759 эх амаржиж, 1774 хүүхэд төрж, мөн нас баралт 387 болж өмнөх оны мөн үеэс амаржсан эх 154 (8.0%)-аар, төрсөн хүүхэд 147 (7.6%)-аар, нас баралт 91 (19.0%)-ээр тус тус өмнөх оны мөн үеэс буурчээ. 1000 хүнд ногдох төрөлт 23.0, нас баралт 5.02, ердийн цэвэр өсөлт 17.98 болов. Өмнөх оны мөн үеэс 1000 ногдох төрөлт 2.38 пункт, нас баралт 1.29 пункт, хүн амын ердийн цэвэр өсөлт 1.08 пунктээр буурсан байна. Нас баралтын шалтгааныг төрлөөр нь авч үзвэл хорт хавдрын нас баралт 126 тохиолдол бүртгэгдсэн ба нийт нас баралтын 32.6%, осол гэмтлийн нас баралт 52 тохиолдол буюу 13.4%-ийг тус тус эзэлж байна.
Дэлгэрэнгүй

МАЛЧИД ТА БҮХЭН МАЛ ТООЛЛОГОДОО ИДЭВХТЭЙ ОРОЛЦОНО УУ.

Нийтэлсэн: 2017 он 12 сар 06. 14 цаг 44 минут
Улсын хэмжээнд жил бүр явуулдаг мал тооллого энэ сарын 7-н буюу пүрэв гарагт эхэлнэ. Малчид та бүхэн мал тооллогодоо идэвхтэй оролцоно уу.
Дэлгэрэнгүй

7 хоногийн үнийн мэдээ
2018.11.14-ны байдлаар, төг
   Дорнод I гурил   кг   1267
  Элсэн чихэр   кг   1800
  Цагаан будаа   кг   2250
  Шингэн сүү   литр   1233
  Хонины мах   кг   6600
  Үхрийн мах   кг   7067
  Ямааны ястай мах   кг   6000
  Бензин А-80   литр   1947
  Бензин Ай-92   литр   2107
  Дизель түлш   литр   2486.7
  Ноолуур   кг   30000

7 хоногийн үний динамик дэлгэрэнгүй..

2014 он  2015 он  2016 он  2017 он